Xalq deputatlari Jondor tumani Kengashining mahalliy budjet, tadbirkorlikni rivojlantirish va iqtisodiy islohotlar masalalari bo‘yicha doimiy komissiyasi raisi Q.Safarov tomonidan davlat investitsiyasi dasturi doirasida qurilayotgan 15-oilaviy shifokorlik punkti hamda 27-umumta’lim maktabida amalga oshirilayotgan qurilish-montaj ishlari joyiga chiqib o‘rganildi.
🔹O‘rganish davomida qurilish ishlarining borishi, obyektlarda bajarilayotgan ishlar sifati, qurilish materiallari ta’minoti, belgilangan muddatlarga rioya qilinishi hamda mehnat xavfsizligi talablariga amal qilinishi yuzasidan mas’ullar bilan muloqot o‘tkazildi.
🔹Shuningdek, obyektlarni o‘z vaqtida va sifatli foydalanishga topshirish, aniqlangan kamchiliklarni bartaraf etish hamda qurilish ishlarini belgilangan reja asosida davom ettirish bo‘yicha tegishli tavsiya va topshiriqlar berildi.
🔹Doimiy komissiya tomonidan davlat investitsiyasi hisobidan amalga oshirilayotgan ijtimoiy ahamiyatga ega obyektlardagi qurilish ishlari ustidan deputatlik nazorati muntazam ravishda davom ettiriladi.