Mahallada yangi mikroloyihalar: Muzlatgich va maishiy xizmat majmuasi qurilmoqda
Gʻo‘lba mahallasida Xalq deputatlari Toyloq tumani Kengashi kotibiyati mudiri B.Xamrayev hamda  hokim yordamchisi  hamkorligida mahallada yangi ishga tushirilishi rejalashtirilayotgan mikroloyihalarning qurilish jarayonlari bilan tanishdilar.
Bugungi kunda hududda aholi bandligini ta’minlash va tadbirkorlikni rivojlantirish maqsadida quyidagi ikkita muhim ob’yekt barpo etilmoqda:
Zamonaviy muzlatgich omborxonasi: Qishloq xo‘jaligi mahsulotlarini sifatli saqlash, noz-ne’matlarning nobud bo‘lishini oldini olish va yil davomida bozorlarda narxlar barqarorligini ta’minlashga xizmat qiladi.
Savdo va maishiy xizmat ko‘rsatish majmuasi: Mahalla aholisi uchun kundalik ehtiyoj tovarlari hamda sifatli xizmatlardan (savdo do‘koni, go‘zallik saloni, tikuvchilik va h.k.) o‘z yashash hududlaridan uzoqlashmagan holda foydalanish imkonini yaratadi.
Natija: Ushbu loyihalarning to‘liq qurib bitkazilishi va ishga tushirilishi natijasida mahallada bir nechta yangi doimiy ish o‘rinlari yaratilishi hamda hudud infratuzilmasi yanada yaxshilanishi kutilmoqda.

Bizni kuzatib boring:👇
|📲 Telegram | 💻Facebook