Xalq deputatlari Toyloq tuman Kengashi kotibiyati bosh mutaxassisi Sh. G‘afforov hamda mahalla profilaktika inspektori S. Jabborov tomonidan Olmazor mahallasida 102 qisqa raqamiga murojaat qilgan fuqarolar bilan suhbatlar olib borildi.
Suhbatlar davomida O‘zbekiston Respublikasining 2014-yil 14-maydagi O‘RQ-371-son “Huquqbuzarliklar profilaktikasi to‘g‘risida”gi Qonuni mazmun-mohiyati yuzasidan huquqiy tushuntirishlar berildi. Shuningdek, fuqarolarning murojaatlarida ko‘tarilgan masalalar o‘rganilib, ularning oldini olish, qonuniy yechim topish hamda huquqbuzarliklarning profilaktikasi bo‘yicha tegishli tavsiyalar berildi.
Fuqarolar bilan olib borilgan muloqotlar davomida ularni qiziqtirgan savollarga javob berilib, qonunchilikda belgilangan huquq va majburiyatlar yuzasidan tushuntirish ishlari amalga oshirildi.
✅Bizni kuzatib boring: 👇
|📲 Telegram | 💻Facebook