🌿 Bandixon tumanida xotin-qizlarni kasb-hunarga yo‘naltirish ishlari o‘rganildi

✅Xalq deputatlari Bandixon tuman Kengashi kotibiyati mudiri A.Pardayev tomonidan "Chinor" mahallasida joylashgan 1-sonli texnikumda xotin-qizlarni kasb-hunarga yo‘naltirish bo‘yicha berilgan 24 ta tavsiya ijrosi yuzasidan o‘rganish olib borildi.

✅O‘rganish jarayonida mahallada xotin-qizlarning bandligini ta’minlash, kasb-hunarga o‘qitish hamda ularning ijtimoiy faolligini oshirish borasida amalga oshirilayotgan ishlar atroflicha tahlil qilindi. Shuningdek, yaratilgan shart-sharoitlar va ularning amaliy samaradorligiga alohida e’tibor qaratildi.

✅Jumladan, deputatlarga biriktirilgan qonunlar taqsimoti doirasida ishlab chiqilgan savolnomalar asosida O‘zbekiston Respublikasining “Oilaviy tadbirkorlik to‘g‘risida”gi Qonuni ijrosi yuzasidan amaliy o‘rganish ishlari tashkil etildi.

✅Xususan, 1-sonli texnikumning birinchi qavatida xotin-qizlar uchun zamonaviy tikuvchilik xonasi tashkil etilgani, zarur tikuv mashinalari va jihozlar bilan ta’minlangani hamda qulay mehnat muhiti yaratilgani qayd etildi. Bu esa xotin-qizlarning kasb egallashi, amaliy ko‘nikmalarini rivojlantirishi va barqaror daromad manbaiga ega bo‘lishi uchun muhim imkoniyat yaratmoqda.

✅Mazkur tashabbus nafaqat oilalar farovonligini oshirish, balki xotin-qizlarning jamiyatdagi o‘rni va ijtimoiy faolligini yanada mustahkamlashga xizmat qilmoqda.

✅O‘rganish yakunida ushbu yo‘nalishdagi ishlarni yanada kengaytirish, qo‘shimcha kasb-hunar o‘quv kurslarini tashkil etish hamda ko‘proq xotin-qizlarni qamrab olish yuzasidan tegishli taklif va tavsiyalar berildi.

✅Mahallalarda xotin-qizlarni har tomonlama qo‘llab-quvvatlash, ularning bandligini ta’minlash va ijtimoiy faolligini oshirishga qaratilgan ishlar izchil davom ettiriladi.