"Chorbog‘tepa" mahallasida hokim yordamchisining faoliyati o‘rganildi
​Xalq deputatlari Toyloq tumani Kengashi deputatlari R.Rabbimov va N.Akramova tuman hokimining birinchi o‘rinbosari A.Sharipovning hisoboti yuzasidan "Chorbog‘tepa" mahallasida bo‘lishdi.
​O‘rganish davomida asosiy e’tibor hokim yordamchisi tomonidan amalga oshirilgan quyidagi ishlarga qaratildi:
​Bandlik va tadbirkorlik: Mahalladagi ishsiz fuqarolar hamda xorijdan qaytgan migrantlar bandligini ta’minlash, aholini tadbirkorlikka jalb etish ko‘rsatkichlari;
​"Munosib mahalla" dasturi: Mahalla infratuzilmasini yaxshilash uchun ajratilgan mablag‘larning maqsadli sarflanishi va loyihalar ijrosi;
​Dasturlar ijrosi: "Yashil makon" loyihasi doirasida ko‘chatlar ekilishi va hududni ko‘kalamzorlashtirish ishlari.
​Deputatlar hokim yordamchisining ish hujjatlari va mahalla drayverlari aks etgan stend ma’lumotlari bilan tanishib, kelgusida aholi daromadlarini yanada oshirish bo‘yicha zarur tavsiyalarni berishdi.

✅Bizni kuzatib boring: 👇
|📲 Telegram | 💻Facebook