Xalq deputatlari Bekobod tuman Kengashiga O‘zbekiston Liberal-demokratik partiyasidan saylangan deputat X. Jumaboyev “Qo‘shtamg‘ali” mahallasida bo‘lib, yoshlar yetakchisi tomonidan amalga oshirilayotgan tadbirlar samaradorligi hamda yoshlar bandligini ta’minlash borasida olib borilayotgan ishlar bilan tanishdi.

Tashrif davomida mahallada yoshlarning bo‘sh vaqtini mazmunli tashkil etish, ularni kasb-hunar va tadbirkorlikka yo‘naltirish, bandligini ta’minlash hamda ijtimoiy faolligini oshirish yuzasidan amalga oshirilayotgan loyihalar o‘rganildi.

🤝 Shuningdek, yoshlar bilan muloqot qilinib, ularning taklif va tashabbuslari tinglandi hamda mavjud masalalar yuzasidan fikr almashildi.
✅ Yoshlarning bandligi, ta’lim olishi va o‘z salohiyatini ro‘yobga chiqarishi uchun zarur sharoitlarni yaratish ustuvor vazifalardan biri bo‘lib qolmoqda.