2026-жылдыӊ
5 айы даўамында белгиленген график тийкарында өз сайлаўшыларым алдында әмелге
асырған жумысларым бойынша сайлаўшылар менен ушырасыўлар өткерип есабат берип
келмектемен.

Мǝмлекетимизде
болып атырꜰан сиясий жаꜰдайлар, ўақыялар ҳаққында түсиниклер берип бараман. Ушырасыўлар
даўамында елимизде әмелге асырылып атырған кең көлемли демократиялық
реформалар, әсиресе, Мәмлекетимиз басшысы тәрепинен Қарақалпақстан
Республикасын социаллық-экономикалық раўажландырыў, халықтың абаданлығын
арттырыў, инженерлик-коммуникация инфраструктурасын жақсылаў, жаңа жумыс
орынларын жаратыў және социаллық қорғаў системасын беккемлеўге қаратылған
Пәрман ҳәм қарарлардың мазмун-мәниси ҳаққында кеңнен мағлыўмат берилди, соның
менен бирге, Халық депутатлары Шоманай районлық Кеңесиниң сессияларында қабыл
етилген қарарлар, олардың халықтың турмыс дәрежесин жақсылаў, аймақларды
комплексли раўажландырыў ҳәм социаллық машқалаларды шешиўдеги әҳмийети бойынша
түсиндириў жумыслары алып барылды.

Ушырасыўларда
усы жыл ушын қабыл етилген "Мәҳәллелерди раўажландырыў ҳәм жәмиетти
жоқарылатыў жылы" Мәмлекетлик бағдарламасы шеңберинде белгиленген тийкарғы
ўазыйпалар, мәҳәллелер инфраструктурасын раўажландырыў, халықты социаллық
қоллап-қуўатлаў, бәнтликти тәмийинлеў, исбилерменликти раўажландырыў, билимлендириў,
денсаўлықты сақлаў ҳәм екологиялық турақлылықты тәмийинлеўге қаратылған илажлар
ҳаққында да толық мағлыўмат берилди.

Есабат
дәўири даўамында сайлаўшылардан бир қатар мүрәжатлар келип түсти. Олардың ҳәр
бири үйренилип, тийисли мәмлекетлик ҳәм хожалық басқарыў уйымлары және жуўапкер
шөлкемлер менен биргеликте көрип шығылды. Нәтийжеде мүрәжатлардың тийкарғы
бөлеги унамлы шешилди, қалғанлары бойынша әмелий илажлар көрилмекте. Атап
айтқанда 14-май күни Жулдызлы көшеси турꜰынлары атынан райондаꜰы Абаданластырыў басқармасына депутат сораўы жиберилди ҳǝм ол сораў унамлы
шешилди.

Ушырасыўлар
даўамында сайлаўшылар мәмлекетимизде әмелге асырылып атырған реформаларды
кеңнен қоллап-қуўатлайтуғынын, мәмлекетимиз тәрепинен инсан қәдирин улығлаў,
халықты социаллық қорғаў ҳәм аймақларды раўажландырыў бағдарында әмелге
асырылып атырған жумыслар өз турмысларында айқын сезилип атырғанын айрықша атап
өтти.Таꜰы да итибарꜰа мүтǝж наўқас сайлаўшылар менен де ушырасып, ҳалынан хабар
алып тураман. Ҳǝр бир мүрǝжат итибарсыз қалмайды. Илǝжи барынша мүрǝжетке
итибар менен қарап, унамлы шешим
болыўына ҳǝрекет етпектемен

Келешекте
де сайлаўшыларым менен турақлы сөйлесиў, олардың машқала ҳәм усынысларын терең
үйрениў, ҳәр бир мүрәжатқа жуўапкершилик пенен қатнас жасаў және олардың
нызамлы мәплерин қорғаў депутатлық жумысымның тийкарғы бағдары болып қалады.

Зǝўре
Қайпова.

11-“Наўрыз
” сайлаў округынан Халық депутатлары Шоманай районлық Кеңеси депутаты