Mazkur o‘rganish “Xalq deputatlari viloyat, tuman va shahar Kengashi deputatining maqomi to‘g‘risida”gi Qonun, “Jismoniy va yuridik shaxslarning murojaatlari to‘g‘risida”gi Qonun, “Fuqarolarning o‘zini o‘zi boshqarish organlari to‘g‘risida”gi Qonun hamda “Mahalliy davlat hokimiyati to‘g‘risida”gi Qonunda belgilangan vazifalar ijrosini ta’minlash maqsadida amalga oshirildi.

Uchrashuv davomida mahalla hududidagi mavjud ijtimoiy, kommunal, obodonlashtirish, bandlik, yoshlar va xotin-qizlar masalalari yuzasidan fuqarolar hamda mahalla faollarining fikr-mulohazalari tinglandi.

Shuningdek, deputatlik faoliyatining asosiy 24 ta savolnomasi doirasida mahalla faoliyati, aholiga ko‘rsatilayotgan xizmatlar sifati, fuqarolar murojaatlari bilan ishlash holati, muammolarni joyida aniqlash va ularni manzilli hal etish masalalari muhokama qilindi.

Deputat Sabura Normetova tomonidan ko‘tarilgan masalalar yuzasidan tegishli tavsiyalar berilib, muammolarni mas’ul tashkilotlar bilan hamkorlikda hal etish bo‘yicha vazifalar belgilab olindi.

✅ Sobirobod mahallasida aholi murojaatlarini joyida o‘rganish, mahalla faollari bilan hamkorlikni kuchaytirish va mavjud muammolarni bosqichma-bosqich hal etish bo‘yicha ishlar davom ettirilmoqda.