O‘rganish davomida mahalladagi ijtimoiy xodim tomonidan aholining ijtimoiy ehtiyojmand toifalariga ko‘rsatilayotgan xizmatlarning sifati, kam ta'minlangan oilalarga ijtimoiy nafaqalar hamda moddiy yordamlarni tayinlash va to‘lash jarayonlari atroflicha tahlil qilindi.

Shuningdek, fuqarolar bilan bevosita muloqot tashkil etilib, ularning murojaat va takliflari tinglandi. Ayrim fuqarolarni qiynab kelayotgan masalalar joyida ijobiy hal etildi. Qo‘shimcha o‘rganish talab etiladigan murojaatlar tegishli mutasaddilar nazoratiga olindi.Fuqarolar tomonidan ko‘tarilgan masalalar deputatning "Ko‘cha aylanish daftari"ga kiritilib, ularning ijrosi yuzasidan mas'ul tashkilotlar bilan hamkorlikda nazorat o‘rnatilishi ta'kidlandi.

Bundan tashqari, ijtimoiy himoya, nafaqa va moddiy yordam olish tartibi yuzasidan fuqarolarga amaldagi qonunchilik asosida huquqiy tushuntirishlar berildi.

Mazkur o‘rganishlar aholining ijtimoiy himoyasini yanada kuchaytirish, ko‘rsatilayotgan xizmatlar sifatini oshirish hamda fuqarolar murojaatlariga tezkor va samarali yechim topish yo‘lidagi muhim amaliy ishlardan biri bo‘ldi.