Mazkur masala “Ichki ishlar organlari to‘g‘risida”gi Qonun, “Huquqbuzarliklar profilaktikasi to‘g‘risida”gi Qonun, “Mahalliy davlat hokimiyati to‘g‘risida”gi Qonun hamda O‘zbekiston Respublikasi Prezidentining 2021-yil 29-noyabrdagi PF-27-son Farmoni bilan tasdiqlangan Jamoat xavfsizligi konsepsiyasida belgilangan vazifalar ijrosi nuqtayi nazaridan muhokama qilindi.

Sessiyada tumanda jamoat tartibini saqlash, jinoyatchilik va huquqbuzarliklarning barvaqt oldini olish, profilaktika inspektorlari faoliyati samaradorligini oshirish, mahallalarda xavfsiz muhitni mustahkamlash masalalariga alohida e’tibor qaratildi.

Deputatlar tomonidan huquqbuzarliklar profilaktikasini kuchaytirish, yoshlar va voyaga yetmaganlar o‘rtasida tushuntirish ishlarini kengaytirish, mahalla yettiligi va mas’ul tashkilotlar hamkorligini yanada mustahkamlash yuzasidan fikr-mulohazalar bildirildi.

✅ Yunusobod tumanida jamoat xavfsizligini ta’minlash, fuqarolar osoyishtaligini saqlash va huquqbuzarliklarning oldini olish bo‘yicha ishlar tizimli ravishda davom ettiriladi.