🏅Xorazm viloyatida yoshlarning ijtimoiy faolligini oshirish, ularning tashabbuslarini qo‘llab-quvvatlash hamda volontyorlik harakatini yangi bosqichga olib chiqish maqsadida Yoshlar maslahat guruhi va volontyor yoshlar uchrashuvi tashkil etildi.

✅ Tadbirda Xalq deputatlari Xorazm viloyati Kengashi kotibiyati mudiri U.Kuryazov ishtirok etib, bugungi kunda mamlakatimizda yoshlar siyosati darajasiga ko‘tarilgan islohotlar, qonun ijodkorligi va mahalliy Kengashlar faoliyatida yoshlarning o‘rni xususida to‘xtalib o‘tdi.

🎁 Shuningdek, hududiy muammolarni aniqlash va ularni hal etishda Yoshlar maslahat guruhining o‘rni beqiyos ekanligi alohida ta’kidlandi.

uymu-uy, mahallabay ishlash tizimida volontyorlarning faolligi, ijtimoiy himoyaga muhtoj qatlamni qo‘llab-quvvatlashdagi hissasi e’tirof etildi.

📺 Oliy Majlis Senati Raisi bilan to‘g‘ridan-to‘g‘ri muloqot

Uchrashuvning eng hayajonli va ahamiyatli qismi — Oliy Majlis Senati Raisi Tanzila Norboyevaning volontyor yoshlar uchrashuviga "Zoom" platformasi orqali to‘g‘ridan-to‘g‘ri ulanishi bo‘ldi.

✅ Bu kabi yuqori darajadagi e’tibor va to‘g‘ridan-to‘g‘ri muloqot uchrashuv qatnashchilariga yanada katta kuch vа motivatsiya bag‘ishladi.

📝 Muloqot yakunida: Yoshlar maslahat guruhi va volontyorlarning kelgusidagi rejalari, Kengash bilan hamkorlikda amalga oshiriladigan ijtimoiy loyihalar hamda deputatlik nazorati jarayonlariga faol yoshlarni jalb qilish chora-tadbirlari belgilab olindi.