#murojaat_ijrosi #poytaxtdeputatlari #deputatlik_faoliyati

❗️Bir murojaat – bir yechim

🏛 Xalq deputatlari Toshkent shahar Kengashi deputati Otabek Jiyanbayev o‘z saylov okrugiga kiruvchi “Zaminobod” MFYda bo‘lib, hududdagi mavjud muammolarga quloq tutgandi. Deputat fuqaro Saydiyeva Mahliyoning o‘z hovlisidan o‘tgan tabiiy gaz quvurini tashqariga ko‘chirilishni so‘rab qilgan murojaati ijobiy hal etilishi, zarur choralar ko‘rilishi yuzasidan mutasaddi tashkilotga bog‘landi.

📝 Murojaat deputat tomonidan zudlik bilan nazoratga olinib, masala yuzasidan mutasaddi tashkilot bilan tezkor hamkorlik yo‘lga qo‘yildi. Natijada tegishli mutaxassislar biriktirilib, fuqaro hovlisidan o‘tgan tabiiy gaz quvuri amaldagi texnik va xavfsizlik talablariga to‘liq rioya qilingan holda boshqa joyga ko‘chirildi. Shu tariqa, fuqaroni uzoq vaqt davomida tashvishga solib kelgan muammo qisqa muddatda o‘z yechimini topdi.

🔎 Murojaatining ijobiy hal etilganidan mamnun bo‘lgan Mahliyo Saydiyeva deputat hamda ishlarni sifatli va mas’uliyat bilan amalga oshirgan mutasaddi tashkilot xodimlariga samimiy minnatdorlik bildirdi.

🗣 Mazkur holat xalq vakillari va mas’ul tashkilotlarning hamkorligi, fuqarolar murojaatlariga befarq bo‘lmasdan yondashish orqali aholi manfaatlarini ta’minlash va joylardagi muammolarni amaliy hal etish mumkinligini yana bir bor namoyon etdi.

📱 Telegram 📱 Instagram 📱 Facebook 📱 YouTube 🔎 E-kengash