Deputat **Viloyat ko‘p tarmoqli bolalar tibbiyot markazi (VKTBMSh)**ga tashrif buyurib, davolanayotgan bolaning sog‘lig‘i, shifokorlar tomonidan olib borilayotgan davolash jarayoni hamda yaratilgan sharoitlar bilan yaqindan tanishdi.

Shifokorlar bilan bo‘lib o‘tgan suhbat davomida bemorning salomatligi, davolashning borishi va keyingi reabilitatsiya jarayonlari yuzasidan batafsil ma’lumot olindi.

 Shuningdek, bolaning ota-onasi bilan samimiy muloqot qilinib, ularning fikr va takliflari tinglandi hamda zarur hollarda qo‘shimcha amaliy yordam ko‘rsatishga tayyor ekanligi bildirildi.
 

 Inson salomatligi va ayniqsa bolalar salomatligini muhofaza qilish, ehtiyojmand oilalarni qo‘llab-quvvatlash hamda fuqarolar murojaatlariga amaliy yechim topish deputatlik faoliyatining ustuvor yo‘nalishlaridan biri ekanligi alohida ta’kidlandi.

Mehr va e’tibor, o‘z vaqtida ko‘rsatilgan amaliy yordam inson hayotida muhim o‘rin tutadi. Shu bois fuqarolar bilan doimiy muloqot qilish va ularning muammolarini hal etishga qaratilgan ishlar izchil davom ettirilmoqda.