Mahalla yettiligi faoliyati o‘rganildi.

Xalq deputatlari Angor tumani Kengashi 8-Xo‘janqon saylov okrugi deputati Aminqulov Shaxrijahon O‘tkir o‘g‘li tomonidan Xo'janqon mahalla yettiligi faoliyati o‘rganildi. O‘rganish davomida mahalla fuqarolar yig‘ini raisi Ibragimov Yorqin Mengliyevich tomonidan mahallada amalga oshirilayotgan ishlar yuzasidan batafsil ma’lumot berildi. Jumladan, aholi muammolarini aniqlash va ularni bartaraf etish, ijtimoiy himoyaga muhtoj oilalarni qo‘llab-quvvatlash, yoshlar va xotin-qizlar bandligini ta’minlash, tadbirkorlikni rivojlantirish, hudud obodonchiligi, "mahalla yettiligi" hamkorligini mustahkamlash hamda fuqarolar murojaatlari bilan ishlash borasida olib borilayotgan ishlar haqida axborot taqdim etildi.

Deputat tomonidan mahalla faoliyatining samaradorligini yanada oshirish, aholi bilan ishlash sifatini kuchaytirish hamda mavjud muammolarni o‘z vaqtida hal etish yuzasidan tegishli tavsiya va takliflar bildirildi.