Uzun tumanida olib borilgan o'rganishlar "Chinor" mahallasida davom ettirildi

50-Chinor saylov okrugi deputati Raxmon Muxamadiyev okrugiga qarashli Uzun tumanining "Chinor" mahallasida deputatlik nazorat-tahlil tadbiri olib borildi.

Mazkur jarayonda xalq deputatlari viloyat Kengashi kotibiyat mudiri Sherpo'lat Boyqulov, tuman Kengashi deputatlari, hamda mahalla mas'ullari ishtirok etdi.

Mahallada olib borilayotgan obodonlashtirish ishlari, aholini 24 ta tavsiya asosida toza ichimlik suvi bilan ta’minlash bo‘yicha ko‘rilgan chora-tadbirlar, xususan, “Chinor” mahallasida mavjud suv qudug‘idan 500 metr masofaga ichimlik suvi tarmog‘i tortilgani hamda aholi xonadonlarining toza ichimlik suvi bilan ta’minlanayotgani ko‘zdan kechirildi.

Shuningdek, aholi ariqlarini betonlash orqali tomorqa yerlariga suv yetkazib berish, piyodalar yo‘lakchasi qurish va tungi yoritish chiroqlarini o‘rnatish bo‘yicha amalga oshirilgan ishlar ham muhokama qilindi.

Bundan tashqari, hokim yordamchisi tomonidan aholini kambag‘allikdan chiqarish maqsadida subsidiyalar ajratish orqali uzumchilikni rivojlantirish yo‘nalishida amalga oshirilayotgan ishlar bilan ham tanishildi.