Hisobotda so‘nggi yillarda mamlakatimizda farmatsevtika sanoatini jadal rivojlantirish, aholini sifatli va xavfsiz dori vositalari bilan ta’minlash, import o‘rnini bosish, eksport salohiyatini kengaytirish hamda yuqori qo‘shilgan qiymatli ishlab chiqarishlarni tashkil etish bo‘yicha keng ko‘lamli islohotlar amalga oshirilmoqda.
🇺🇿 Davlatimiz rahbari tomonidan soha strategik tarmoq sifatida belgilab berilishi natijasida farmatsevtika sanoati iqtisodiyotning eng muhim va tez rivojlanayotgan yo‘nalishlaridan biriga aylanib borayotganligi va quyidagi ko‘rsatkichlar ko‘rsatib o‘tildi.
💊Bugungi kunda respublikada jami 384 ta farmatsevtika korxonalari faoliyat yuritib, shundan 58 tasi GMP xalqaro standartiga ega, 95 tasi eksportyor korxonalar hisoblanadi. Toshkent shahri ulushi 119 tani tashkil etadi.
🩺Shundan 22 ta farmatsevtika korxonalari Chilonzor tumani hududida joylashgan bo‘lib, tuman mazkur yo‘nalishda Toshkent shahrining muhim sanoat hududlaridan biri hisoblanadi.
💊Sohada ishlab chiqarish hajmi so‘nggi yillarda barqaror o‘sib, 2023 yildagi 3,2 trln so‘mdan 2025 yil yakuniga kelib 7,4 trln so‘mga yetdi. 2026 yilda ushbu ko‘rsatkichni 8,5 trln so‘mga yetkazish rejalashtirilgan.
2025 yilda sohaga 390 mln dollar investitsiya jalb qilingan bo‘lib, 2026 yilda mazkur ko‘rsatkichni 455 mln dollarga yetkazish belgilangan. Eksport hajmini 300 mln dollarga oshirish va import ulushini bosqichma-bosqich qisqartirish asosiy vazifalardan biri hisoblanadi.
💊Tahlillarga ko‘ra, Toshkent shahrida farmatsevtika sohasida mavjud ishlab chiqarish quvvatlaridan to‘liq foydalanilmayotganligi natijasida katta iqtisodiy imkoniyatlar mavjud bo‘lib, ichki bozorda import ulushi hozirda 85 foizni tashkil etmoqda.