AHOLI MUAMMOLARIGA YECHIM IZLAB: DEPUTATLIK NAZORATI VA MAHALLA YETTILIGI HAMKORLIGI

Aholi bilan to‘g‘ridan-to‘g‘ri muloqot qilish, ularning dard-u tashvishlarini tinglash va muammolariga yechim topish Xalq deputatlari tuman Kengashi deputatlarining diqqat markazida turibdi.
Tuman Kengashi deputati Q.Sobirov «Bobodehqon» mahallasida bo‘lib, mahalla yettiligi, keng jamoatchilik va faollar bilan uchrashuv o‘tkazdi.
Samimiy va ochiq muloqot ruhida o‘tgan uchrashuvda asosiy e’tibor mahalla hududidagi eng dolzarb masalalarga qaratildi:
·    🛣 Infratuzilma va yo‘llar: Ichki yo‘llarni ta’mirlash va shag‘allashtirish, ko‘chalarni yoritish masalalari;
·    💧 Kommunal soha: Ichimlik suvi, elektr energiyasi ta’minotidagi mavjud holat;
·    💼 Bandlik va ijtimoiy himoya: Mahalla yettiligi tomonidan aniqlangan ishsiz fuqarolar, ayniqsa xotin-qizlar va yoshlar bandligini ta’minlash, ehtiyojmand oilalarni qo‘llab-quvvatlash;
·    🏡 Obodonlashtirish: Mahalla hududini ko‘kalamzorlashtirish va tozalikni saqlash bo‘yicha istiqboldagi rejalar.
Mahalla yettiligining hamjihatlikdagi faoliyati va deputatlik nazorati birlashsa, eng murakkab muammolarni ham qisqa muddatda hal etish mumkin. Bizning maqsadimiz — «Bobodehqon» mahallasini har tomonlama obod mahallaga aylantirishdir.
Uchrashuv davomida ko‘tarilgan va ijrosi vaqt talab etadigan muammolar deputat tomonidan nazoratga olindi. Ushbu masalalar yuzasidan tegishli tashkilotlarga deputatlik so‘rovlari yuboriladigan va tuman Kengashi sessiyalarida muhokama qilinadigan bo‘ldi.