Халқ депутатлари Наманган вилояти Кенгашининг Маҳаллий бюджет, тадбиркорликни ривожлантириш ва иқтисодий ислоҳотлар масалалари бўйича доимий комиссиясининг навбатдаги йиғилиши бўлиб ўтди.

Йиғилишда Халқ депутатлари вилояти Кенгашининг навбатдаги сессияси кун тартибига киритилиши режалаштирилган ижтимоий-иқтисодий аҳамиятга эга қатор
долзарб масалалар муҳокама қилинди. Хусусан, маҳаллий бюджет даромадларини шакллантириш ва улардан мақсадли ҳамда самарали фойдаланиш, тадбиркорлик субъектларини қўллаб-қувватлаш, ҳудудларда инвестиция муҳитини яхшилаш, саноат ва қишлоқ хўжалиги тармоқларини ривожлантириш масалаларига алоҳида эътибор қаратилди.

Муҳокамалар жараёнида комиссия аъзолари томонидан соҳаларда мавжуд айрим муаммо ва камчиликлар юзасидан таклиф ва мулоҳазалар билдирилиб, уларни бартараф этишга қаратилган аниқ чора-тадбирлар белгилаб олинди.

Йиғилиш якунида кўриб чиқилган масалалар бўйича тегишли хулосалар шакллантирилиб, қарор лойиҳалари тайёрланди ҳамда уларни Кенгашнинг навбатдаги
сессияси кун тартибига киритиш юзасидан тавсиялар берилди.