“Kónshi” MPJ aymaǵındaǵı Qorǵanıw isleri Shımbay rayonlıq bólimi imáratınıń qurılıs jumısları menen tanıstı.

Xalıq deputatları rayonlıq Keńesi sekretariat baslıǵı M.Zarikeev hám  "MÁDAD" MKSh wákili S.Dawmenov “Kónshi” MPJ aymaǵındaǵı Qorǵanıw isleri Shımbay rayonlıq bólimi imáratınıń qurılıs jumısları menen tanıstı.
Deputat qurılıs procesin hár tárepleme kózden ótkerip, obektte alıp barılıp atırǵan jumıslardıń sapası, qurılıs materiallarınıń talap dárejesinde ekenligi hám belgilengen múddetlerge ámel etiliwi jaǵdayı menen tanıstı. Sonday-aq, juwapkerler menen sóylesiw ótkerilip, qurılıs jumısların óz waqtında hám sapalı juwmaqlaw, barlıq qáwipsizlik qaǵıydalarına qatań ámel etiw boyınsha tiyisli usınıs hám kórsetpeler berildi.

Deputattıń atap ótkenindey, bul imarat paydalanıwǵa tapsırılǵannan soń rayonda qorǵanıw jumısları tarawındaǵı xızmetlerdiń nátiyjeliligi hám xalıqqa kórsetilip atırǵan xızmetlerdiń sapası jáne de artıwına xızmet etedi.