Kommunal xizmatlar sifati va aholiga yaratilayotgan sharoitlar muhokama qilindi.

Xalq deputatlari Qiziltepa tumani Kengashi raisi U.Bobojonov “Ideal Kommunal xizmat” MCHJ xodimlari bilan tumandagi ko‘p qavatli xonadonlarda yashovchi aholining turmush tarzini yaxshilash hamda ularga ko‘rsatilayotgan kommunal xizmatlar sifati yuzasidan suhbat o‘tkazdi.

Muloqot davomida ko‘p qavatli uylarda sanitariya holati, hududlarni obodonlashtirish, chiqindilarni o‘z vaqtida olib chiqish, muhandislik kommunikatsiyalari va aholi uchun yaratilayotgan qulayliklar masalalari muhokama qilindi.

Ta’kidlanganidek, ushbu masala xalq deputatlari tuman Kengashining o‘tgan sessiyasida atroflicha muhokama qilinib, sohadagi mavjud muammolarni bartaraf etish hamda xizmatlar sifatini oshirish bo‘yicha tegishli qaror qabul qilingan edi. Bugungi o‘rganish va muloqotlar esa mazkur qaror ijrosini ta’minlashga qaratilgan amaliy ishlardan biri bo‘ldi.