🏛 Xalq deputatlari Shovot tumani Kengashi deputati G‘. Ollamov hamda Kengash kotibiyati xodimi U. Ruzmetov tomonidan tumandagi Bo‘yrachi mahallasida profilaktika inspektori faoliyati o‘rganildi.
📖 O‘rganishlar O‘zbekiston Respublikasining “Huquqbuzarliklar profilaktikasi to‘g‘risida”gi O‘RQ-371-sonli Qonuni ijrosi yuzasidan olib borildi.

✅ Qayd etilishicha, joriy yil boshidan buyon mahalla hududida birorta ham jinoyat sodir etilmagan. Shuningdek, probatsiya ro‘yxatida turgan 7 nafar shaxs bilan muntazam profilaktik ishlari olib borilayotgani ta’kidlandi.
🤝 O‘rganish yakunida hududda tinchlik va osoyishtalikni saqlash, huquqbuzarliklarning oldini olish hamda aholi bilan manzilli ishlash samaradorligini yanada oshirish yuzasidan tegishli tavsiyalar berildi.