Xalq deputatlari Tuproqqal’a tuman Kengashi deputati Nafisa Qurbonova mahalla uchastka inspektori tomonidan hududda jinoyatchilikka qarshi kurash, huquqbuzarliklarning oldini olish hamda osoyishtalikni ta’minlash borasida olib borilayotgan ishlar holatini o‘rgandi.

O‘rganish davomida joriy yilning 4 oyi mobaynida o‘tgan yilning shu davriga nisbatan kiberxavfsizlik yo‘nalishidagi jinoyatlar soni oshgani qayd etildi. Shuningdek, ayollar jinoyatchiligi oqibatida oilaviy ajrimlar ko‘payayotgani ta’kidlandi.

Deputat tomonidan mahalla faollari, korxona va tashkilot rahbarlari bilan hamkorlikda aholi, ayniqsa yoshlar o‘rtasida giyohvandlikning oldini olish, sog‘lom turmush tarzini targ‘ib qilish hamda profilaktik targ‘ibot ishlarini yanada kuchaytirish yuzasidan tavsiyalar berildi.