📌 DEPUTAT SO‘ROVI IJROSI NAZORATGA OLINDI

Xalq deputatlari Tuproqqal’a tumani Kengashi deputati Nafosat Allaberganova tomonidan fuqaro murojaati asosida deputat so‘rovi yuborildi.

Mazkur deputat so‘rovida Tuproqqal’a tumani “Saxovat” mahallasi Shijoat ko‘chasidagi 3-sonli yotoqxonaning tom qismidagi shiferlar kuchli shamol oqibatida yerga tushib ketgani qayd etilgan. Ushbu holat aholi hayoti va salomatligi uchun xavf tug‘dirayotgani hamda hududda noqulay vaziyat yuzaga keltirayotgani ta’kidlangan.

Shu munosabat bilan “Drujba Foton” boshqaruv servis kompaniyasiga holatni o‘rganish, zarur ta’mirlash ishlarini amalga oshirish hamda bajarilgan ishlar yuzasidan ma’lumot taqdim etish bo‘yicha deputat so‘rovi yuborildi.

Deputat tomonidan mazkur masala ijrosi nazoratga olinib, fuqarolar murojaatlarida ko‘tarilgan muammolarni bartaraf etish yuzasidan tegishli ishlar olib borilishi ta’kidlandi.

Fuqarolar manfaatlari — doimiy e’tiborda!