Xalq deputatlari Tuproqqal’a tuman Kengashiga Sarimoy mahallasidan saylangan deputat Ismoil Jumanazarov mahalladagi ijtimoiy xodim faoliyati samaradorligini o‘rgandi.

📋 O‘rganish davomida mahallada “Ijtimoiy reyestr”ga kiritilgan 54 ta oila mavjudligi ma’lum bo‘ldi. Shundan 4 ta oilaga kommunal xarajatlarni qoplash uchun moddiy yordam ko‘rsatilgan.

🤝 “Saxovat va ko‘mak” jamg‘armasi orqali 7 ta oilaga oziq-ovqat mahsulotlari, 2 ta oilaga esa kiyim-kechak yetkazib berilgani qayd etildi.

♿️ Nogironligi bo‘lgan fuqarolarni qo‘llab-quvvatlash maqsadida fuqaro Dilmurod Amandurdiyevga nogironlik aravachasi, fuqaro Esenov Yesenga esa maxsus matras topshirilgan edi.

✅ Deputat tomonidan mahallada ijtimoiy himoyaga muhtoj oilalarni qo‘llab-quvvatlash borasidagi ishlarni yanada kuchaytirish yuzasidan tavsiyalar bildirildi.