Xalq deputatlari Chilonzor tumani Kengashi deputati Tadjieva Muxabbat Xaydaraliyevna tomonidan fuqarolar murojaati asosida yo‘llangan deputatlik so‘roviga Toshkent shahar Ekologiya va iqlim o‘zgarishi bosh boshqarmasi Chilonzor tumani bo‘limidan rasmiy javob xati olindi.

Javob xatida Chilonzor tumani Qizil Sharq mavzesidagi 26-uy manzilida o‘rganish ishlari olib borilgani ma’lum qilinib, hududdagi daraxtlarni sanitariya maqsadida butash va kesish tartibi yuzasidan amaldagi qonunchilik asosida batafsil tushuntirish berilgan.

Rasmiy javobda O‘zbekiston Respublikasi Vazirlar Mahkamasining tegishli qarorlari asosida daraxt va butalarni sanitariya maqsadida butash uchun ayrim hollarda ruxsatnoma talab etilmasligi ham belgilab o‘tilgan.

Deputatlik faoliyati doirasida fuqarolar murojaatlarini o‘rganish, hududdagi ekologik muammolarni bartaraf etish hamda aholining qonuniy manfaatlarini himoya qilish borasidagi ishlar izchil davom ettirilmoqda.