Xalq deputatlari Pastdarg‘om tuman Kengashi deputati tomonidan 115-ds-487-26-sonli deputat so‘rovi tuman hokimi o‘rinbosari Sh. Daniyarovga yuborildi.
🔎 Muammo nimada?
Tinchlik MFY binosi joylashgan yer maydoni auksion savdolari orqali sotilganligi sababli, mahalla faoliyatini samarali tashkil etishda qator qiyinchiliklar yuzaga kelmoqda.
📌 Deputat tomonidan ilgari surilgan takliflar:
— Tinchlik MFY uchun yangi yer maydoni ajratish masalasini ko‘rib chiqish;
— Davlat-xususiy sheriklik asosida yangi bino qurish uchun homiylarni jalb etishda amaliy yordam ko‘rsatish.
📄 Shuningdek, mazkur deputat so‘rovi yuzasidan amaldagi qonunchilikka muvofiq yozma javob taqdim etilishi so‘ralgan.
✅ Ushbu tashabbus mahalla tizimi faoliyatini mustahkamlash, fuqarolar bilan ishlash samaradorligini oshirish hamda hududda qulay sharoitlar yaratishga xizmat qiladi.