#Deputat_faoliyati

Xalq deputatlari Payariq tuman Kengashi deputati N. Ochilova ajrimlarning oldini olish, oilalarda sog‘lom ma’naviy muhitni mustahkamlash hamda jinoyatchilikka qarshi kurashishda ma’naviyatning o‘rniga bag‘ishlangan davra suhbatida ishtirok etdi.

Mazkur tadbir Respublika Ma’naviyat va ma’rifat markazi Payariq tumani bo‘linmasi hamda fuqarolik ishlari bo‘yicha Payariq tumani sudi hamkorligida tashkil etilib, unda oilaviy qadriyatlarni asrash, yoshlar tarbiyasi, jamiyatda huquqiy madaniyatni yuksaltirish hamda tinch va osoyishta muhitni ta’minlash masalalari muhokama qilindi.

Tadbir davomida mutasaddilar tomonidan ajrimlarning salbiy oqibatlari, oilada o‘zaro hurmat va mas’uliyatning ahamiyati yuzasidan tushuntirish ishlari olib borildi.

🔰Bizni ijtimoiy tarmoqlarda kuzating:
Telegram | Veb-Sayt| Facebook|instagram |You tube|