Sessiyada tumandagi mavjud zaxiralarni ishga solish, yangi tizim asosida sanoat va iqtisodiy salohiyatni oshirish, aholi murojaatlari bilan ishlash tizimini yangi bosqichga olib chiqish hamda murojaatlar ijrosini samarali tashkil etish masalalari muhokama qilindi.

Shuningdek, O‘zbekiston Respublikasi Prezidentining 2026-yil 5-yanvardagi PQ-1-sonli qarori ijrosi yuzasidan 2026-yil I chorak davomida amalga oshirilgan ishlar, mahallalarda xavfsiz muhitni yaratish bo‘yicha olib borilayotgan chora-tadbirlar yuzasidan mutasaddilar axborot va hisobotlari tinglandi.

Sessiya davomida Chilonzor tumanining 2026-yildagi kompleks ijtimoiy-iqtisodiy rivojlantirish dasturining birinchi chorak yakunlari, mahalliy budjetning erkin qoldiq mablag‘larini maqsadli yo‘naltirish hamda budjet daromadlari ijrosi, soliq tushumlari va mavjud rezervlar bo‘yicha amalga oshirilgan ishlar atroflicha ko‘rib chiqildi.

Kun tartibidagi masalalar yuzasidan tegishli qarorlar qabul qilinib, mas’ullarga aniq vazifa va topshiriqlar belgilab berildi.