O‘zLiDeP demokratik partiyasi a’zosi Xalq deputatlari Buloqboshi tuman Kengashi 23-“BuyukTuron” saylov okrugi deputati O.Matg‘oziyev tomonidan tumandagi 3-maktab yuqori sinf o‘quvchilari bilan ochiq muloqot tashkil etildi. Uchrashuv davomida partiya vakili maktab o‘quvchilari bilan suhbatlashib, yoshlarning bilim olishi, Vatanga sadoqat, milliy qadriyatlarni asrab-avaylash
va kelajak rejalari haqida fikr almashdilar. 

Tadbir davomida o‘quvchilarga yurtimizda yoshlar uchun yaratilayotgan imkoniyatlar, ta’lim sohasidagi islohotlar hamda yoshlarning jamiyat hayotidagi o‘rni haqida batafsil ma’lumot berildi. Shuningdek, o‘quvchilar o‘zlarini qiziqtirgan savollarni berib, ularga atroflicha javob oldilar. 

Uchrashuv samimiy ruhda o‘tib, deputat yoshlarni bilim olishga, yurt ravnaqi uchun munosib hissa qo‘shishga undadi, bunday uchrashuvlarni kelgusida ham davom ettirish zarurligi ta’kidladi.