Xalq deputatlari Olmaliq shahar Kengashi deputati Azamat Mavlonov tomonidan  “Cho‘lpon” mahallasida o‘rganish ishlari olib borildi.

O‘rganish davomida quyidagi masalalarga asosiy e’tibor qaratildi:

🔹Sarf-hisob va reja: Mahalla raisi va xotin-qizlar faolining 2025-yildagi faoliyati tanqidiy tahlil qilinib, 2026-yil uchun belgilangan ustuvor vazifalar va "yo‘l xaritalari" ko‘rib chiqildi.

🔹Obodonlashtirish: Hududdagi ko‘chalarning holati, tozalik va obodonlashtirish ishlarining borishi ko‘zdan kechirildi.

🔹 Ijtimoiy ko‘mak: Mahalladagi xotin-qizlarga ko‘rsatilayotgan xizmatlar, ularning bandligini ta’minlash va ijtimoiy himoyaga muhtoj ayollar bilan ishlash tizimi o‘rganildi.

Deputat tomonidan aniqlangan kamchiliklarni bartaraf etish va 2026-yilda mahalla infratuzilmasini yanada yaxshilash bo‘yicha mas’ullarga tegishli tavsiyalar berildi.

Xalq manfaati — oliy qadriyat!