Aholi bilan bevosita muloqot qilish va ularning muammolariga joyida yechim topish — rahbarlarning eng asosiy vazifasi.

📌Bugun Xalq deputatlari Olmaliq shahar Kengashi deputati, shahar hokimi Qobil Xamdamov hamda shahar prokurori Abdumalik Qo‘ldoshev ishtirokida fuqarolar uchun navbatdagi ommaviy qabul o‘tkazildi. Qabulda barcha korxona va tashkilot rahbarlari ham ishtirok etib, aholi murojaatlarini bevosita tingladilar.

📊 Qabul natijalari:

🔹Jami kelib tushgan murojaatlar: 27 ta;

🔹Joyida ijobiy hal etilganlar: 6 ta;

🔹Qo‘shimcha o‘rganishga olinganlar: 21 ta.

Aholidan asosan bandlik, uy-joy va kadastr hujjatlarini rasmiylashtirish, jarrohlik amaliyotlari uchun mablag‘ ajratish hamda moddiy yordam ko‘rsatish kabi ijtimoiy masalalarda ko‘mak so‘raldi.

🤝 Deputat va hokim sifatida Q.Xamdamov qo‘shimcha vaqt talab etadigan murojaatlarni shaxsan nazoratga oldi. Mas’ullarga muammolarni qisqa muddatda qonuniy hal etish bo‘yicha aniq topshiriqlar berildi.