Muloqot davomida aholi tomonidan ishga joylashish, elektr ta’minotini yaxshilash va simyog‘ochlarni almashtirish, kadastr hujjatlarini rasmiylashtirish, moddiy yordam hamda jarimalardan norozilik kabi jami 18 ta murojaat atroflicha ko‘rib chiqildi.

Inson qadrini ulug‘lash va muammolarni manzilli hal etishga qaratilgan ushbu tadbirda 5 ta murojaat joyida ijobiy yechim topib, qanoatlantirildi. Qolgan murojaatlarni qonuniy tartibda o‘rganib chiqish va ijrosini ta’minlash yuzasidan tegishli mas’ul tashkilot va idoralarga aniq topshiriqlar berilib, ijro nazoratiga olindi.