Davlat dasturi loyihalari asosida maktabni ta’mirlash ishlari yuzasidan deputat nazorati. 

  Xalq deputatlari tuman Kengashi deputati O‘.Norboyev tomonidan saylov okrugidagi 54-sonli umumta’lim maktabida amalga oshirilayotgan ishlari yuzasidan o‘rganish ishlari olib borildi.

Jumladan, Davlat dasturi asosida ta’mirlanayotgan 54-sonli umumta’lim maktabida qurilish va ta’mirlash ishlarining borishi ko‘zdan kechirildi.
O‘rganish davomida maktab eski binolari, sinf xonalari, buzdirilib, yangidan zamonaviy qo‘shimcha maktab binosini qurish ishlari tahlil qilindi. Deputat tomonidan pudratchi tashkilot va mutasaddi tashkilot vakillari bilan suhbat o‘tkazilib, ishlar belgilangan
muddat va sifat talablariga muvofiq amalga oshirilishi yuzasidan tavsiyalar berildi.

Shuningdek, ta’mirlash jarayonida havfsizlik qoidalariga qat’iy rioya etish, o‘quvchilar uchun qulay va zamonaviy sharoitlar yaratish zarurligi ta’kidlandi. O‘rganish yakunida aniqlangan ayrim kamchiliklarni bartaraf etish bo‘yicha mas’ullarga tegishli ko‘rsatmalar berildi hamda deputatlik nazoratiga olindi.