Xalq deputatlari Qibray tumani Kengashi deputati Doniyor Yusupov tomonidan deputatlik so‘rovi yuborildi.

 Deputatlik so‘rovi “Xalq deputatlari viloyat, tuman va shahar Kengashi deputatining maqomi to‘g‘risida”gi O‘zbekiston Respublikasi Qonunining 8-moddasi talablariga muvofiq tarzda tayyorlanib, Qibray tuman Ichki ishlar boshqarmasi boshlig‘i J.Tilyabayev nomiga yo‘naltirildi.

 So‘rovda qayd etilishicha, O‘zbekiston Respublikasi Prezidentining PQ-1-sonli qarori ijrosi yuzasidan, “Boyjigit” mahallasida jinoyatchilikka moyil shaxslar ko‘pligi, huquqbuzarliklarning qayd etilishi, begona shaxslar koʻpayganligi, mazkur muammo nafaqat fuqarolarning mulkiy huquqlari, balki ularning hayoti va salomatligi bilan bog‘liq ekanini hisobga olib, bugungi kunga qadar kameralashtirish ishlarini amalga oshirilishi haqida aniq ma’lumot berishini so‘ragan.

Mazkur deputatlik so‘rovi mahalla tizimi faoliyatini qo‘llab-quvvatlash va fuqarolarga qulay ijtimoiy muhit yaratish yo‘lida amalga oshirilayotgan ishlarning yana bir muhim bosqichi sifatida e’tirof etiladi.