🏛 DEPUTAT NAZORATI: MAKTABGA ELTUVCHI YO‘L TA’MIRLANADIGAN BO‘LDI

✅Xalq deputatlari Uzun tumani Kengashiga 1-O‘zbekiston saylov okrugidan saylangan deputat, tuman Kengashi raisi D.Safarova tomonidan saylovchilar murojaati asosida muhim tashabbus ilgari surildi.

✅Muammo nimada edi?

"Yoshlik" mahallasi aholisi va ota-onalar tomonidan mahallada joylashgan 2-sonli umumta’lim maktabiga olib boruvchi ichki ko‘chaning holati o‘ta ayanchli ekanligi, yog‘ingarchilik kunlarida o‘quvchilar va piyodalar harakati uchun jiddiy qiyinchiliklar tug‘dirayotganligi yuzasidan murojaat kelib tushgan.

✅Deputat D.Safarova ushbu holatni shaxsan borib o‘rgandi va yo‘lning bugungi holati talabga mutlaqo javob bermasligini tasdiqladi. Mazkur muammoni bartaraf etish, o‘quvchilarning maktabga xavfsiz va qulay yetib borishini ta’minlash maqsadida tegishli mutasaddi tashkilotlarga deputatlik so‘rovi yuborildi.

✅Kutilayotgan natija:

Yuborilgan deputatlik so‘rovi asosida yaqin kunlarda ushbu ichki ko‘chada ta’mirlash (shag‘allashtirish yoki asfaltlash) ishlarini boshlash rejalashtirildi. Ijro jarayoni deputat tomonidan qat'iy nazorat qilinadi.