Uchrashuv davomida fuqarolarning murojaatlari, taklif va muammolari atroflicha muhokama qilindi.

Tadbirda aholini qiynayotgan ijtimoiy masalalar, mahalla infratuzilmasini yaxshilash, yo‘llar holati, kommunal xizmatlar sifati, yoshlar bandligini ta’minlash hamda tadbirkorlikni qo‘llab-quvvatlash kabi dolzarb masalalar ko‘tarildi. Fuqarolar o‘zlarini qiziqtirgan savollar bilan murojaat qilib, mavjud muammolar yuzasidan taklif va fikrlarini bildirdilar.

Tuproqqal’a tuman Kengashi deputati Allaerov Sobirjon Baxtiyorovich har bir murojaatni diqqat bilan tinglab, ularning ijobiy yechimini ta’minlash bo‘yicha tegishli tashkilotlar bilan hamkorlikda ish olib borilishini ta’kidladi. Ayrim masalalar joyida hal etilgan bo‘lsa, qo‘shimcha o‘rganish talab etiladigan murojaatlar tegishli tartibda nazoratga olindi.

Uchrashuv ochiq va samimiy muloqot ruhida o‘tib, saylovchilar o‘z muammolariga yechim topish yo‘lida bunday uchrashuvlar muhim ahamiyatga ega ekanini ta’kidladilar. Deputat bunday uchrashuvlar muntazam ravishda davom ettirilib, aholi bilan doimiy muloqotni mustahkamlashga xizmat qilishini bildirdi.