Yoshlar kuni munosabati bilan xalq deputatlari shahar Kengashi deputati M.Saidova 1-sonli umumiy o‘rta maktabida o‘quvchilar bilan samimiy uchrashuv o‘tkazdi.

Uchrashuv davomida deputat yoshlar bilan muloqot qilib, ularni bilim olishga, ijtimoiy faollik va sog‘lom turmush tarzini rivojlantirishga undadi. Shuningdek, o‘quvchilar o‘zlarini qiziqtirgan savollarini deputatga yo‘llab, turli mavzularda fikr almashdilar.

M.Saidova uchrashuv davomida yosh avlodning ijtimoiy faolligi va kelajakdagi maqsadlariga alohida e’tibor qaratib, ularni mamlakat rivojiga hissa qo‘shishga chaqirdi. Uchrashuv qiziqarli va foydali suhbatlar bilan yakunlandi, o‘quvchilar esa o‘zlarini qiziqtirgan masalalarda deputatdan maslahat olish imkoniga ega bo‘ldilar.

Shu tariqa, Payshanba Yoshlar kuni doirasida tashkil etilgan bu uchrashuv yoshlarni rag‘batlantirish va ularning ma’naviy-axloqiy rivojlanishiga xizmat qildi.