8-Lutfiy okrugi hududidagi “Lutfiy” mahallasida istiqomat qiluvchi fuqarolar tomonidan mahalladagi ko‘p qavatli uylar tom qismi ta’mirga muhtojligi yuzasidan murojaat kelib tushdi. 

Murojaat asosida okrug deputati Xidiyatullina Rima Rashitovna, mahalla faollari va uy egalari bilan birgalikda joyiga chiqib o‘rganish ishlari amalga oshirildi. 

O‘rganish natijasida Lutfiy ko‘chasi 7-, 3-, 10-uylar, Bog‘iston 1-uy hamda Baynalminal ko‘chasi 57-uylarning tom qismlari aholi salomatligi va mulk xavfsizligi nuqtai nazaridan tezkor ta’mirlanishi zarurligi aniqlandi. 

Mazkur holat yuzasidan 8-Lutfiy okrugi deputati tomonidan tegishli tashkilotlarga rasmiy deputatlik so‘rovi yuborildi.  

Unda muammoni atroflicha o‘rganib chiqish hamda tomlarni ta’mirlashda amaliy yordam ko‘rsatish so‘ralgan. 

Masala deputat nazoratiga olindi.