AYSANBA: FAOLIYAT VA MAS’ULIYAT KUNI

(Deputatlik vazifalarini samarali va mas’uliyatli bajarish kuni)

Xalq deputatlari Namangan shahar Kengashi raisi, deputat Isakov Rustam Raxmanovich Boburshoh MFYda bo‘lib, mahalla yettiligi a’zolari bilan uchrashuv o‘tkazdi. 

Uchrashuv davomida hududda mavjud ijtimoiy-iqtisodiy masalalar, aholini qiynab kelayotgan muammolar hamda ularning yechimiga doir takliflar atroflicha muhokama qilindi.

Shuningdek, Boburshoh MFY binosining bir qismida olib borilayotgan ichki ta’mirlash ishlari bilan tanishildi hamda amalga oshirilayotgan ishlarning holati o‘rganildi. Mazkur xonada kelgusida konditerlik sexi tashkil etish rejalashtirilgani qayd etildi. Ushbu loyiha mahalladagi xotin-qizlar bandligini ta’minlash, ularni doimiy ish o‘rinlari bilan qamrab olish hamda oilalar daromadini oshirishga xizmat qilishi alohida ta’kidlandi.

Bundan tashqari, tashrif davomida mahalladagi nuroniylar bilan ham uchrashuv o‘tkazilib, ularning taklif va mulohazalari tinglandi.