Qibray tumani hokimi-tuman Kengashi deputati Muzaffar Rashidov tegishli mutasaddilari bilan birgalikda tumandagi 16-umumiy oʼrta taʼlim maktabida boʼlib, oʼquvchi-yoshlar bilan ochiq va samimiy muloqot qildi.

Uchrashuv davomida yoshlarning taʼlimga boʼlgan qiziqishi, kasb tanlashdagi rejalari, zamonaviy bilim va koʼnikmalarni egallash borasidagi taklif va tashabbuslari tinglandi.

Shuningdek, taʼlim muassasasida oʼquvchilar uchun yaratilgan shart-sharoitlar, sinf xonalari, fan toʼgaraklari, sport va axborot texnologiyalari xonalarining holatini koʼzdan kechirdilar. Mavjud imkoniyatlardan samarali foydalanish, taʼlim sifatini yanada oshirish yuzasidan masʼullarga tegishli topshiriqlar berildi.

Maʼlumki, Prezidentimizning yoshlar bilan uchrashuvida haftaning payshanba kuni “Yoshlar kuni” deb eʼlon qilingan edi. Ushbu tashabbus asosida joylarda yoshlar bilan ochiq muloqotlar tashkil etilmoqda.