Xalq deputatlari Yangiobod tumani Kengashiga 14-“Jo‘langar” saylov okrugidan saylangan deputat Raimova Gulbahor G‘aybullayevna tomonidan Sarmich MFY hududidagi 15-maktabda yoshlar uchun yaratilgan keng imkoniyatlar va imtiyozlar haqida targ‘ibot tadbiri o‘tkazildi. 

Tadbir davomida yoshlarga davlat tomonidan taqdim etilayotgan ta’lim grantlari, imtiyozli kreditlar, kasb-hunarga o‘qitish kurslari, yoshlar tadbirkorligini qo‘llab-quvvatlash dasturlari hamda bandlikni ta’minlashga qaratilgan loyihalar haqida batafsil
ma’lumot berildi. 

Shuningdek, yoshlarni zamonaviy kasblarni egallash, axborot texnologiyalaridan samarali foydalanish, xorijiy tillarni o‘rganish hamda o‘z ustida muntazam ishlashga chaqirildi. Tadbir ochiq muloqot shaklida o‘tib, o‘quvchilar o‘zlarini qiziqtirgan savollarga javob oldilar. Mazkur uchrashuv yoshlarning ijtimoiy faolligini oshirish, ularni qo‘llab-quvvatlash hamda mavjud imkoniyatlardan samarali foydalanishga undashga xizmat qildi.