Bugun Xalq deputatlari Uchquduq tuman Kengashi deputati M.Abdukarimov Uchquduq tumani “Yo‘lchilar” OFY hududida joylashgan tuman elektr tarmoqlari korxonasida faoliyat yuritayotgan yoshlar bilan uchrashuv o‘tkazdi.

Uchrashuv davomida Prezidentimizning yoshlar bilan uchrashuvidagi nutqida ilgari surilgan keng imkoniyat va imtiyozlar haqida batafsil ma’lumot berildi. Yoshlar tadbirkorligini qo‘llab-quvvatlash, kredit ajratish miqdorlarini oshirish hamda startap loyihalarni moliyalashtirish bo‘yicha yaratilayotgan sharoitlar yuzasidan tushuntirishlar olib borildi.

Shuningdek, uchrashuv davomida yosh xodimlarning muammolari, taklif va tashabbuslari tinglanib, ularni hal etish yuzasidan tegishli tavsiyalar berildi.

 Ochiq va samimiy muloqot tarzida o‘tgan uchrashuv yoshlar uchun muhim savollarga javob olish imkonini yaratdi.