Жорий йилнинг 25-февраль куни халқ депутатлари Конимех туман Кенгаши депутати Х.Ширинова томонидан “Кўкча” МФЙда 35-ОП томонидан “Аҳолига ўз вақтида ва сифатли тиббий ёрдам кўрсатилиши" ҳолати ўрганилди. Ҳудудда жойлашган 35-ОП томонидан 5452 нафар аҳолига тиббий хизмат кўрсатилаётгани аниқланди. 

Шунингдек, реамбурсация асосида бериладиган дори воситаларининг аҳолига ўз вақтида етказиб берилиши ҳолати кўриб чиқилди. Кундузги стационар бўлимида доимий беморларнинг даволаниши ва уларнинг электрон тарзда қайд этилиши ўрганилди. ССВнинг 282-сонли буйруғи талабларига мувофиқ дори-дармонлар етарли миқдорда мавжудлиги аниқланди. Ногиронлиги бўлган шахсларнинг “Dmed” электрон тизимида 88-шакллари ўз вақтида тўлдирилиши ва рўйхатга олиниши, сурункали касалликларга чалинган беморларнинг ҳар 6 ойда даволаниши, фуқароларнинг ўз вақтида тиббий кўрикдан ўтиши, касалликларни эрта аниқлаш ва самарали даволаш ишлари муҳокама қилинди.

Аниқланган камчиликлар жойида бартараф этилди. Айниқса, юқумли касалликларни камайтириш борасида амалга оширилаётган профилактик эмлаш ишлари таҳлил қилиниб, тарғибот ишларини янада кучайтириш ва эмлаш қамровини ошириш зарурлиги таъкидланди.