Ayritom mahallasida mahalla yettiligi faoliyatini o‘rganish, amalga oshirilayotgan ishlar samaradorligini baholash va mavjud muammolarni aniqlash maqsadida nazorat-tahlil tadbiri tashkil etildi.
Tadbirda hududdan saylangan deputat M.Shernayev hamda tuman Kengashi raisi S.Nazarov va kotibiyat mudiri A.Avliyakulov bevosita ishtirok etdi.

Tadbir davomida quyidagi yo‘nalishlar bo‘yicha o‘rganish ishlari amalga oshirildi:

Aholi murojaatlarini ko‘rib chiqish va ijrosi holati
“Ayollar daftari” va “Yoshlar daftari” bilan ishlash samaradorligi
jtimoiy himoyaga muhtoj oilalarga ko‘rsatilayotgan yordam
Obodonlashtirish va hududni tozalash ishlari
Profilaktika va huquqbuzarliklarning oldini olish borasidagi chora-tadbirlar

O‘rganish jarayonida mahalla yettiligi tomonidan amalga oshirilgan ijobiy ishlar alohida qayd etildi. Shu bilan birga aniqlangan kamchiliklar yuzasidan mas’ullarga tegishli tavsiyalar berilib, ularni bartaraf etish bo‘yicha aniq vazifalar belgilandi.

Nazorat-tahlil tadbiri yakunida mahalla faoliyatini yanada takomillashtirish, aholi bilan ishlash sifatini oshirish hamda tizimli hamkorlikni kuchaytirish zarurligi ta’kidlandi.