Chilonzor tumani 18-«Guliston» saylov okrugi «Guliston» mahallasi hududidagi, mahalla binosi yaqinida joylashgan qarovsiz holatga kelib qolgan futbol maydoni yuzasidan aholi murojaatlari asosida o‘rganish ishlari olib borildi.

O‘rganishlar davomida maydon uzoq vaqt obodonlashtirilmagani va bugungi kunda amalda foydalanishga yaroqsiz holatda ekani aniqlandi.

Yoshlar va mahalla aholisi tomonidan maydonni rekonstruksiya qilish, sun’iy yashil qoplama yotqizish hamda tungi vaqtda foydalanish uchun zamonaviy yoritish tizimi (projektorlar) o‘rnatish taklifi ilgari surildi.

Ushbu tashabbus yoshlar o‘rtasida sog‘lom turmush tarzini targ‘ib qilish, ularning bo‘sh vaqtini mazmunli tashkil etish va huquqbuzarliklarning oldini olishga xizmat qiladi.

Masala yuzasidan tegishli tashkilotlarga okrug deputai Kim Marina Melisovna tomonidan deputat so‘rovi yuborildi. Nazoratga olindi.