Ramazon — mehr va saxovat oyi

Ramazon oyi munosabati bilan Qo‘shko‘pir tumani bo‘ylab ehtiyojmand oilalarni qo‘llab-quvvatlashga qaratilgan keng ko‘lamli xayriya va ijtimoiy yordam tadbirlari amalga oshirilmoqda.  

O‘zbekiston Respublikasi Prezidentining qaroriga muvofiq, ijtimoiy himoyaga muhtoj hamda ehtiyojmand oilalarga bir martalik moddiy yordam ajratilmoqda. Bu yordam oddiy raqam emas u ko'plab xonаdonlar uchun yengillik, ishonch va dalda demakdir.

Muqaddas Ramazon oyida hududda og‘ir ahvolda bo‘lgan, jarrohlik amaliyoti hamda tibbiy yordamga muhtoj fuqarolarni qo‘llab-quvvatlash maqsadida maxsus vaucherlar topshirilmoqda.

Vaucherlarni topshirish jarayonida Xalq deputatlari Qo'shko'pir tuman kengashi deputati X Artiqo'v bemorlar va ularning yaqinlari bilan samimiy suhbatlar o‘tkazib, ko‘rsatilayotgan tibbiy xizmatlar hamda yaratilgan imkoniyatlar yuzasidan batafsil tushuntirishlar berdi.

Mazkur xayrli tashabbus inson qadrini ulug‘lash, tibbiy yordamga muhtoj fuqarolarni qo‘llab-quvvatlash hamda jamiyatda ijtimoiy birdamlikni mustahkamlashga qaratilgan.