Deputat tashabbusi

🔹Xalq deputatlari So‘x tuman Kengashi deputati Amirali Safarov tashabbusi bilan “Yangiariq” MFY hududida muborak Ramazon oyi munosabati bilan ommaviy hashar tashkil etildi.

Hashar davomida mahalla hududi tozalanib, obodonlashtirish ishlari amalga oshirildi, jumladan qabriston atrofi tartibga keltirildi. Bu xayrli tashabbus mahalla ahlining birdamligi va faol fuqarolik pozitsiyasini yana bir bor namoyon etdi.

🔹Hashar doirasida deputat tomonidan bugungi kunda ko'p kuzatilayotgan kiberjinoyatchilikning salbiy oqibatlari yuzasidan targ‘ibot ishlari ham olib borilib, aholiga kiberjinoyatlar va turli firibgarlik holatlarining oldini olish bo‘yicha tushunchalar berildi. Fuqarolarni hushyorlikka chaqirish, huquqiy ong va mas’uliyatni oshirish borasida amaliy tavsiyalar bildirildi.

🔹Mazkur tadbir nafaqat obodonlashtirish ishlari, balki aholining siyosiy-huquqiy faolligini oshirishga xizmat qilgani bilan ahamiyatli bo‘ldi.