📌 Sherobod tumanida deputat va mahalla yettiligi uchrashuvi

Xalq deputatlari Sherobod tumani Kengashi 13-Qo‘shtegirmon saylov okrugi deputati N.Saidova tomonidan “Qo‘rg‘on” mahalla fuqarolar yig‘inida mahalla yettiligi bilan uchrashuv o‘tkazildi.

🤝 Uchrashuv davomida hududda amalga oshirilayotgan bunyodkorlik ishlari, aholi murojaatlari, ijtimoiy-iqtisodiy masalalar hamda jinoyatchilik va huquqbuzarliklarning oldini olish borasidagi hamkorlik masalalari atroflicha muhokama qilindi.

📊 Shuningdek, mahallada tadbirkorlikni rivojlantirish, yangi ish o‘rinlari yaratish, yoshlar va xotin-qizlar bandligini ta’minlash, ijtimoiy himoyaga muhtoj oilalarni qo‘llab-quvvatlash yuzasidan aniq taklif va tashabbuslar ilgari surildi.

📌 Fuqarolar tomonidan ko‘tarilgan muammolarni tizimli ravishda hal etish, murojaatlar bilan ishlash samaradorligini oshirish hamda huquqbuzarliklarning barvaqt profilaktikasini kuchaytirish bo‘yicha kelgusidagi ustuvor vazifalar belgilab olindi.

✅ Ochiq va samimiy ruhda o‘tgan uchrashuv yakunida mas’ul tashkilotlar bilan hamkorlikni yanada mustahkamlash, har bir murojaatni nazoratga olish va amaliy yechimlarni tezkor ta’minlashga kelishib olindi.

🔹 Bunday uchrashuvlar joylarda aholi bilan muloqotni kuchaytirish, mavjud muammolarni joyida o‘rganish va ularni bartaraf etishda muhim ahamiyat kasb etadi.