Saylovchilar bilan yuzma-yuz muloqot.

Joriy yilning 21-fevral kuni Namangan tuman 14-Beshkapa saylov okrugi deputati A.Tursunov tomonidan “Deputat va saylovchilar” uchrashuvi Beshkapa va Elatan mahallalarida aholi bilan sayyor qabul o‘tkazildi. 

Uchrashuvda mutasaddi tashkilotlar — “Hududgaz”, Obodonlashtirish bo‘limi, Yo‘l qurilish va ta’mirlash davlat korxonasi hamda Moliya bo‘limi rahbar o‘rinbosarlari, shuningdek Xalq ta’limi hamda maktabgacha va maktab ta’limi muassasalari rahbar o‘rinbosarlari ishtirok etib, aholiga amalga oshirilgan ishlar va kelgusi rejalar yuzasidan hisobotlar taqdim etdilar.

Tadbir davomida saylovchilar tomonidan ko‘tarilgan masalalar atroflicha muhokama qilinib, ularni hal etish bo‘yicha tegishli chora-tadbirlar belgilandi. Deputat tomonidan aholi murojaatlarini tizimli hal etish, joylarda ijtimoiy-iqtisodiy islohotlarni samarali amalga oshirish ustuvor vazifa ekani ta’kidlandi.

Xalq deputatlari Namangan tumani Kengashi matbuoti xizmati