Murojaat joyida o‘rganildi – amaliy yondashuv ustuvor

Xalq deputatlari Qiziriq tumani Kengashi kotibiyati mudiri K. Muhammadiyev hamda Kengashning “Karmaki” saylov okrugi deputati B. Mo‘minovlar qabul jarayonida kelib tushgan murojaat asosida mahalladagi tibbiyot punktida bo‘lib, mavjud holatni joyiga chiqib o‘rgandilar.

O‘rganish davomida tibbiyot punktining moddiy-texnik bazasi, aholiga birlamchi tibbiy xizmat ko‘rsatish sifati, mavjud sharoitlar va ehtiyojlar atroflicha ko‘zdan kechirildi. Masalaga yuzaki emas, balki tizimli yondashuv asosida baho berilib, aniqlangan kamchiliklar bo‘yicha tegishli tashkilotlar bilan hamkorlikda aniq choralar belgilandi.

Ta’kidlanganidek, har bir murojaat — bu oddiy ariza emas, balki aholi ishonchidir. Shu bois, masalalarni kabinetdan turib emas, joyiga chiqib o‘rganish va amaliy yechim ishlab chiqish ustuvor vazifa sifatida belgilandi.

Qiziriq tumani Kengashi Axborot xizmati 

Rasmiy sahifalarimiz👇

Telegram (https://t.me/+h07HeUv_IP44MmUy) | Facebook (https://www.facebook.com/?ref=homescreenpwa) | E-kengash (https://kengash.gov.uz/qiziriq) |Instagram (https://www.instagram.com/xalqdep_qiziriqtumani_kengashi?utm_source=qr&igsh=MjJ2OG4xOTh0dHY3)